IZARREN DISTIRA Egizu dakizuna!

ABENDUAK 25ean, gaueko 21:00etan Izarren Distiraren inguruko erreportai bat ikusteko aukera izan genuen ETB1eko BI ERREPIDEAN telebista saioan.

Kaixo Izarren Distirazaleok!

Ostiralean Uribe Kosta Gala ospatu zen Sopelanako Kurtzio Kultur Etxean. Entseguaren ostean, eskenatokira sartzeko garaia heldu zen. Urduritasuna, norberaren txanda itxaroteak dakarren ezinegona eta lana ondo egin izanaren sentimenduak ageriak ziren bete-bete zegoen aretoan. Gala ikusgarria Nerea Alias aurkezle ezagunaren gidaritzapean.

Nerea Aliasen agurrarekin batera Uribe Kostako Izarren Distira Gala hasi zen iragan ostiralean. Tor Magoa, Jokin Lacalle abeslaria eta Jone Uria bertsolaria adi-adi zeuden, gazteen ikuskizunen gaineko iritzia emateko irrikan. Izan ere, epaileen erabakiak berebiziko garrantzia izan zuen sari banaketan, beraien epaiak irabazleak aukeratu baitzituen. Dantza ikusgarriek, abesti melodikoek eta musika tresnen doinuek publikoaren txalo zaparradak piztu zituzten. Parte hartzaileen kemenak eta ilusioak areto guztia bete zuten.

Gazteen emanaldi liluragarrien artean break dantzarien saio bikainak tartekatu ziren. Artisten talentua lau haizetara Sopelanan. Izan ere, epaileek erabakia hartu artean break dantzariek erakustaldia burutu zuten. Bitartean, gazteak nerbioso, beraien taldeak irabazi ote zuen jakin-minez. Azkenik, talde guztiak eskenatokira igo eta horrenbeste espero zuten irabazleen zerrenda jakin zuten. Hura bai poza!

1.SARIA: Etsipen Oihua

Saioa Bañales eta Rakel Abajas

2.SARIA: Euskal Espioiak

Magali Moso, Leire Gil, Larraitz Aldazabal, Anne Artaraz, Amaia Zelaia eta Maialen Lekerika.

3.SARIA: Dantzari Distiratsuak

Esti Solera, Oihana Rebolledo, Nagore Vitalle eta Amaia Kaiero.

ZORIONAK PARTE HARTU DUZUEN GUZTIOI!

Maila handiko ikuskizunak landu dituzue. Hurrengo urtean ere zuen zain izango gara! Baita aurten parte hartzera ausartu ez diren Izarren Distira zaleon zain ere! Milesker guztiagatik, zoragarriak zarete!

AZKEN ORDUKO ALDAKETA: Izarren Distira ABENDUAK 25ean 21:00etan agertuko da ETB1en (ez urtarrilak 1ean) BI ERREPIDEAN SAIOAN! ツ

Aldaketa dagoela oraintxe jakin dugu. Izan zuen bideoak prest, heldu da Izarren Distira ikusteko eguna!!
GABON ZORIONTSUAK IZAN

Abenduak 18an Uribe Kostako Izarren Distiraren Gala ospatuko da Sopelanako Kurtzio Kultur Etxean. Publiko moduan etorri nahi?? eskuratu zure gonbidapena dohainik Kurtzio Kultur Etxean.

Uribe Kostako artista gazteenekin primeran pasatzeko aukera paregabea! ANIMA ZAITEZ! HARTU ZURE GONBIDAPENA

14 taldek parte hartu dute Urduliz eta Sopelanan burututako kastingetan.

Itzelezko lana egin dute talde guztiek eta denek finalean egotea merezi duten arren, 9 talde aukeratu dituzte epaimahaikideek. Ez da izan lan erraza, talde asko eta ikuskizun oso onak ikusteko aukera izan baitugu. Epaimaakideek pena handiarekin 5 talde finaletik kanpo utzi behar izan dituzte, baina talde guztiek egindako lana izugarria izan dela gogoratu nahi dute.

 UK Izarren Distira 2009-ko talde finalistak hauek dira: 

•  "Dantzari distiratsuak": Oihana Rebolledo, Nagore Vitalle, Amaia Kaiero eta  Esti Solera.
  
• "Etsipen oihua": Rakel Abajas eta Saioa Bañales.
  
• "Ilargia" Ane Escobar, Eider Fernandez eta Naia Ouro.
• "Nork daki zer" Maite Azcutia eta Nahia Martinez. 
• "Cooper" Aitor Bermejo, Garoa Lopezortega eta Miriam Diaz Lopez.
• Hodeiza Ortega eta Goiuri Llanos.
  
• "Euskal espioiak" Magali Moso, Amaia Zelaia, Leire Gil, Larraitz Aldazabal, Anne Artaraz eta Maialen Lekerika.
  
• Ane Saitua, June Santos, Nagore Leon, Uxue Martinez de Ibarreta eta Leire Sarasola.
  
• Saioa Iriarte, Maider Ayo, Helene Pardo eta June Galbarriatu

Kanpoan geratu diren talde guztiei galara etortzeko gonbitea luzatu nahi diegu, ongi etorri beroa izango duzue!!  Segi gogor lanean eta datorren urtean berriro parte hartu.

ESKERRIK ASKO GUZTIOI eta MUXU BAT BAKOITZARENTZAT!! 

Zuek gabe Izarren Distira ez litzateke ezer!                          

2009. urteko Uribe Kostako Izarren Distira talentu lehiaketan parte hartzeko izen emate epea jadanik bukatu da eta 16 taldek parte hartuko dute abenduak 2 eta 3an ospatuko diren casting-etan Casting-etan aldez aurretik prestatu dituzten ikuskizunak aurkeztu, epailearen iritziak entzun eta Galarako aukeratuak izan diren jakingo dute. Emozioa, urduritasuna eta poza izango dira nagusi.

Abenduak 2, asteazkena, 17:00etan Urdulizen.

Abenduak 3, osteguna, 17:00etan Sopelanan

Abenduak 18an Sopelanako Kurtzio Kultur Etxean ospatuko den Galara publiko moduan etorri nahi Adi! laster gonbidapenak eskuratu ditzakezue, sarrera dohainik da

.URTEKO IZARREN DISTIRAN PARTE HARTZEKO PREST??